O C.B. Baixo Miño Basket xa ten definidos os horarios cos que comezará a nova tempada 2026/2027.
Despois dun verán cheo de actividades, campus e torneos, o club prepara o regreso aos adestramentos coa ilusión de seguir medrando, incorporar novos xogadores e xogadoras e continuar consolidando as distintas categorías do BMB.
A actividade comezará durante o mes de agosto cunha pretempada gratuíta, aberta tanto aos integrantes actuais do club como a todos os nenos e nenas que queiran probar o baloncesto e coñecer o ambiente do BMB.
Pretempada gratuíta en agosto
Os primeiros adestramentos celebraranse os días:
Luns 17 de agosto
Mércores 19 de agosto
Luns 24 de agosto
Mércores 26 de agosto
O horario será de 19.45 a 21.00 horas e poderán participar os nenos e nenas nados entre 2018 e 2010, ambos os anos incluídos.
A participación nestas sesións será totalmente gratuíta e non será necesario formar parte previamente do club.
Será unha oportunidade para recuperar o contacto co balón antes do inicio da tempada, reencontrarse cos compañeiros e permitir que novas familias coñezan o funcionamento do BMB.
Horarios a partir de setembro
A partir do mes de setembro comezará a tempada regular, coa correspondente inscrición e o pagamento das cotas do club.
Os adestramentos distribuiranse do seguinte xeito:
Luns
De 17.45 a 19.00 horas
Para nenos e nenas nados entre 2021 e 2015, ambos incluídos:
BabyBasket.
Preminibasket.
Minibasket.
De 19.00 a 20.15 horas
Para xogadores e xogadoras nados entre 2014 e 2010, ambos incluídos:
Infantil.
Cadete.
Primeiro ano júnior.
Mércores
De 18.00 a 19.30 horas
Para nenos e nenas nados entre 2018 e 2010, ambos incluídos:
Preminibasket.
Minibasket.
Infantil.
Cadete.
Primeiro ano júnior.
Xoves
De 18.00 a 19.30 horas
Para nenos e nenas nados entre 2021 e 2019, ambos incluídos:
BabyBasket.
No mesmo horario, de 18.00 a 19.30 horas, adestrarán os xogadores e xogadoras nados entre 2014 e 2010, ambos incluídos:
Infantil.
Cadete.
Primeiro ano júnior.
Un lugar para aprender e divertirse co baloncesto
O BMB busca ofrecer un espazo próximo no que os nenos e nenas poidan iniciarse no baloncesto, mellorar as súas habilidades, facer novas amizades e aprender valores como o compañeirismo, o respecto e o traballo en equipo.
Non é necesario ter experiencia previa. Os adestramentos están pensados tanto para xogadores que xa levan varias tempadas practicando este deporte como para aqueles que se achegan por primeira vez a unha cancha de baloncesto.
Durante a tempada, os grupos e exercicios adaptaranse ás idades e á evolución dos participantes, mantendo sempre unha combinación entre formación, competición e diversión.
As inscricións no C.B. Baixo Miño Basket permanecen abertas para todas as categorías. Podes inscribirche desde a sección “úneche ao club”.
As familias interesadas poden aproveitar os adestramentos gratuítos de agosto para coñecer o club e ver o ambiente dos entrenos.
Os adestramentos desenvolveranse no pavillón do IES A Sangriña, na Guarda.
Para solicitar máis información:
+34 684 793 616
Instagram: @bmb_baixominobasket
Comezamos unha nova tempada con moitas ganas de volver á pista, reencontrarnos cos nosos xogadores e recibir a todos os nenos e nenas que queiran formar parte do club.
Agardámosvos no pavillón! 
